https://www.youtube.com/watch?v=9VXpAr1kTvk

أهلاً بيكم في حلقة جديدة من حلقات أستوديو أسلوب …

 

لو السنة اللي فاتت عدت عليك من غير ما يكون حصل لك اي تغيير ايجابي في حياتك, انوي السنة دي انها تكون بداية جديدة و قصة جديدة تكتبها بخط ايدك و تحط خطة جديدة لنفسك

 قرر ان السنة دي مش هتفوتك ابدا و مش هتمرعليك مرار الكرام غير لو حققت فىها شئ جديد وضفت لحياتك معني جديد يخلي لحياتك معني!

 

حاسس انك محتار يا عبد الستار؟؟ مش عارف تبدأ منين؟ مش عارف تختار تبدأ في ايه و لا في ايه من كتر الحاجات اللي نفسك تحققها؟ ما تقلقش عارفين انك محتاج مساعدة! بعد ما تتفرج علي الفيديو ده هتعرف كويس اوي انت محتاج تضيف ايه لحياتك و كمان هنساعدك انك تعرف تبدأ أزاي! أظن مالكش حجة بعد كده انك تاخد اكشن في حياتك

 

فيه مننا بعض الناس اللي بيكونوا عارفين هما عايزين يوصلوا لايه كويس يعني الطريق اللي عايزين يكملوا فيه بيكون واضح و اهدافهم بتكون واضحة!

 و ديه حاجة كويسة جداً مش عايزين نحسدهم ربنا يبارك لهم ما شاء الله 

 و فيه ناس تانية بتكون محتارة و حاسة انها تايهة و نفسها حياتها تتغير للافضل بس مش عارفة ازاي او مش عارفة هي عايزة ايه بالضبط .. و فيه نوع تالت خالص من الناس اللي اهدافه اللي عايز يحققها كتيرة جدا و مش عارف الاولي يبدأ بأيه و لا بايه

 

 هنلعب مع بعض لعبة لذيذة اوي.  اللعبة دي عبارة عن شوية أسئلة هتسألها لنفسك هتنمي ادراكك و و عيك و هتصحي عقلك اللاواعي اللي نايم بقالوا سنين نايم ومش عارف تصحيه من النوم.

 

اجاباتك علي الاسئلة دي  اللي هتجوبها بنفسك انت هتكون عندك صورة اكبر و اوضح لحياتك .. 

 

 

هات ورقة من كراسة الرسم و قلم و الوان و محتاجة اكبر طبق عندك من المطبخ علي شكل دايرة, بلاش الطبق اللي لسه واكل فيه المحشي, طبق نضيف لوسمحت! و اللي ما عندوش طبق علي شكل دايرة يستخدم البرجل.

 

هنرسم مع بعض دايرة زي عجلة البسكلته كده! و هنقسمها بالمسطرة لاجزاء بالمظر ده

و دي عجلة حياتك اللي هتكتب في كل جزء فيه اهم الجوانب اللي موجودة في حياتك



 

  • جزء هتكتب فيه حياتك الاسرية

  •  علاقتك بربنا

  •  الجزء اللي بعده التعليمي والثقافي في حياتك/ التطوير الذاتي

  •  جزء خاص  بالصحة

  •  مذاكرتي شغلك او الجانب المهني

  • الجانب المادي

  • حياتك الاجتماعية ( الاصدقاء في حياتك) 

  • هواياتي

حط بقي مقياس من صفر ل10 في كل جزء موجود فى العجلة .. بالمنظر ده … أهم حاجة هنا انك تكون صريح مع نفسك .. الصراحة هنا مهمة جداً يا جماعة .. 

الصفر هنا هو مقياس انك مهمل جدا في الجزء ده و مش واعي له بالقدر الكافي في حياتك

و ال 10 مقياس ان الجزء ده انت راضي عنه بنسبة 100% 

 

هنيجي لجزء حياتي الاسرية (هل انا مقصرة فى حق اولادي, مقصرة في حق والدي ووالدتي؟ اخواتي بسأل علي أحوالهم, بهتم بيهم بسمع لمشاكلهم )

علاقتي بربنا

هل انا مقصرة في حق ربنا 

(هل بحافظ علي صلاتي, بواظب علي صلاة الفجر و صلاة الضحي, قراءة القران يوميا,  بحافظ علي الاذكار , بطلع صدقات, بحط ربنا قدامي فى تصرفاتي, مقصرة فى حق ربنا ؟)  اكتب المقياس

 الجزء التعليمي والثقافي في حياتي/ التطوير الذاتي ( هل بطور نفسي ,هل القراءة جزء من حياتي هل بتعلم عن طريق اني اخد كورسات اون لاين او في سنتر؟)اكتب المقياس

 صحتي : هل بحافظ علي صحتي؟ (بلعب رياضة, بمشي و باكل اكل صحي ,بشرب ميه كفاية)  اكتب المقياس

مذاكرتي او شغلي او الجانب المهني:

 هل مقصرة في حق مذاكرتي و بهملها؟ هل بعمل اللي عليا فعلا و بذاكر بضمير؟ 

هل انا راضي عن شغلي ؟ هل بعمل اللي عليه في شغلي و زيادة و مش مقصر في حق شغلي؟(بتطور في شغلي ,هل بعطي لشغلي حقه و لا مقصرة في شغلي)  اكتب المقياس

الجانب المادي هل محتاج اني احوش لاني بلاقي نفسي اخر كل شهر علي الحديدة؟ هل محتاج ادور علي شغل بجانب شغلي الاساسي علشان احسن من مستوايا المادي و مقصر و مش بسعي؟ هل ممكن استثمر فلوسي في مشاريع موثوق منها؟

 

جزء حياتي الاجتماعية (الاصدقاء في حياتي, هل محتاجة اكون صداقات جديدة او اهتم باصدقائي القدام اكتvر) اكتب المقياس

 هواياتي:

 ( هل دوامة الحياة منسياني هواياتي و مش بهتم اني انميها؟ راضي عن الجانب ده بمقياس اد ايه

 

كل واحد يكتب كمان الجوانب الاخري اللي شايفها مهمة فى حياته انا بس هنا بحاول احصر الجوانب الاساسية … 

 

ها ..هل لاحظت ان في اي نوع من الخلل اوعدم التوازن في اي جزء؟


احنا مش بنسعي ابدا اننا نوصل لدائرة مظبوطة لحد مقياس 10 بس علي الاقل الموضوع بيوضح ليك اكتر عن اهمية تحسين النقط او الجوانب اللي فيها خلل فى حياتك .. مفيش انسان في العالم كله .. عجلة حياته كاملة 100%
كلنا مقصرين في حق اجزاء او جوانب معينة .. و ده مش عيب أبداً .. العيب انك تكون عارف انك مقصر و ماتخدش خطوة للتغيير !

هنرجع تاني و نشوف انهي جزء من الاجزاء اللي فيها خلل او اهمال محتاجين نحسنها فى حياتنا و عايزين كمان تتحسن و توصل لانهي مقياس!

 

و اسال نفسك فى كل جزء او في كل جانب, ممكن تعمل ايه او ايه العادات اللي ممكن تبدأها فى حياتك جديد هتحسن من المقياس اللي موجود في الوقت الحالي 

 

 مثال لو عندك خلل في الجانب الاسري محتاج تعمل ايه علشان المقياس ده يزيد 

هنا مثلا المقياس 4نفسك مثلا توصلوا ل8

اسال نفسك انت محتاج تعمل ايه و العادات اللي ممكن تبنيها علشان تحسن من الجانب ده 

 

مثلا:

محتاج اقعد مع اولادي ساعة كل يوم نقرا سوي او نلعب لعبة مفيدة او نشاهد فيلم ممتع

محتاج اقعد مع مامتي حتي لو نص ساعة كل يوم , او اخصص لها يوم فى الاسبوع نخرج سوي نفطر او نتغدي

محتاجة اكلم والدي كل يوم في التليفون اسال عليه

زوجي او زوجتي محتاجة اني اهتم بيها اكتر و نخصص وقت لممارسة رياضة المشي مثلا, او نفطر بره يوم في الاسبوع و هكذا

 

نيجي للجانب الديني: محتاج المقياس هنا ارفعه لحد كام ؟ و ممكن اعمل ايه علشان احسن من علاقتي بربنا؟ اخصص صدقة اطلعها يوميا , ابدا قراءة جزء كل يوم, ابدا اواظب علي السنن حتي و لو بداية لصلاة واحدة , هحضر درس دين و هكذا 

 

و بالنسبة لجانب التطوير الذاتي: المقياس هنا 2 عايز السنة دي يوصل لكام؟ هقرا كل يوم 5 صفحات مثلا من كتاب, هاخد كورس انيميشن, هبدأ ترينينج فى شركة

 

جانب المهني او شغلي؟ محتاج اعمل ايه علشان احسن من مقياس هذا الجانب؟ اقرا عن مجال عملي اكتر, اقعد اكتر من ساعات العمل علشان اكون متميز, اخد شهادات معينة تزود من خبرتي و تعلي السي في بتاعي, اخد كورس اي سي دي ال علشان انمي مهاراتي


بس الموضوع مش هيقف عند هذا الحد و بس! انت هتعمل جدول بكل المهام و العادات اللي انت كتبتها بخط ايدك علشان تحسن بيها الجوانب اللي فيه خلل! و الجدول ده هتحط فيه الزمان و المكان
ازااااااااااااااااااي ؟؟

يعني لو جينا للجانب الديني حدد و حط فى جدولك هطلع صدقة كام يوميا حددألوقت ( و انا راجع من الشغل مثلا المكان (الجيزة) .. 

و لو جينا  للجانب الخاص بالصحة: همشي قد ايه يوميا و امتي حدد في جدولك ساعة مثلا .. و حدد هتمشي فين كمان !! (همشي نص ساعة فى النادي)  

 

جانب الاسرة و العائلة: هقرا مع اولادي قد ايه يوميا و فين .. مثلاً في أوضتهم و تكتب ده في الجدول 

جزء تطوير الذات : هابدا اخد كورس عن ايه ال3 شهور اللي جيين ؟ و تحدد كورس ايه و هتاخده فين ؟؟ في سنتر و لا اونلاين ؟؟  … هقرا كام صفحة كل يوم من انهي كتاب و هقرأه فين في المكتبة ولا في البيت ؟؟

الجدول ده هيخليك منظم في حياتك و هتحسن من تطوير عاداتك ..  فيه ناس ترجع ترسم عجلة الحياة مرة تانية كل 3شهور و تجدد من جدولها..و الموضوع ده بيخلق نوع من انواع ال tracking او انك تتابع تقدمك في كل جانب أكيد أكيد هتحس بفرق و هتحس بالتغيير

ماتكسلش انك تعمل حاجة بسيطة زي ديه .. و جرب اعملها من فترة للتانية ..

عندنا واجب ممكن كل واحد فيكم  يرسم عجلة حياته و ينزلها ستوري علي انستجرام .. و يعملنا مينشن فيها ..
خلونا نشوف الابداعات …


و أشوفكم و حلقة جديدة من أستديو أسلوب …. 

 

عام جديد,فرصة جديدة,بداية لانسان جديد

 

 

 

 

تقدر تتعلم من الصفر للإحتراف طريقة عمل فيديوهات كارتون أنيميشن إحترافية زي الفيديو ده من الكورس الخاص بتعليم طريقة عمل فيديوهات كارتون أنيميشن والتربح منها مثل قنوات أسلوب من الرابط التالي:

 https://bit.ly/osloop-animation-end-of-year-udemy-announce-website  
December 31, 2019  
  , ,