مفيش مشكلة: صوصو براحتك …
و إشتكي زي ما إنت عاوز
و إرمي اللوم على كل من مر بنظرك
و هوهو من هنا لآخر العمر أخونا الكريم
نستمتع بصوصوتك …و نملئ قلوبنا من فضل طاقتك السلبية.
النتايج اللي إنت فيها دلوقتي
بناء على أفعالك إنت –
مهما قعدت تصوصو و تهوهو و ترمي اللوم على أي حد
مفيش أي فايدة – أحوالك هي نتيجة أفعالك
حتى إنك تكون قاعد متضايق و مخنوق
ده نتيجة أفعالك إنت – مش نتيجة أفعال حد فيك
لأنك بتكون متضايق … لما أفكارك بتخليك تتضايق
لما إنت بتختار إختيار ب رد فعلك إنك تضايق
بتتضايق لما تفتح فايس بوك و تشوف أخبار كئيبة
طيب ماتفتحش فايسبوك
فايسبوك السبب؟
ولا إنك إنت فتحت فايسبوك هو السبب؟
بتتضايق لما اليوم يضيع عليك من غير ما تعمل أي حاجة مفيدة
طيب ما تتفضل تعمل أي حاجة مفيدة إنت عاوزها, مفيش حد هايقولك لأه
أحوالك … هي نتيجة أفعالك
و أفعالك … نتيجة أفكارك
و صوصوتك الجميلة و
و صوصو براحتك خالص …. و إحنا كمان, بنقع في الفخ ده, و بنقعد نصوصو و ممكن أوي ن هوهو و نرمي اللوم على كل حاجة حوالينا
و تلف الأيام … و نفضل في القاع لغاية لما يرزقنا الله باللي يفكرنا إننا سعات كتير أوي لازم نوقف صوصوة و هوهوة … ونبدأ نشيل المسئولية و نتحمل المسئولية و نسترجل (صفة الرجولة نقصد وليست نوع) و نقف و إحنا فاردين ظهرنا و ننفض عن نفسنا التراب.
كلنا بيجي علينا أوقات و نقعد نصوصو …
فيه ناس بتختار بعد فترة صغيرة إنها توقف صوصوة و تبدأ الحياة
و فيه ناس بتختار إنها تعيش في الصوصوة
و إقرأ إن شئت كتاب: من الذي حرك قطعة الجبن الخاصة بي
Who Moved My Cheese